Beti ki hatya
Zami ke seene se jhankta ye kafan kiska hai
Kafan mein lipta ye maasum badan kiska hai
Kafan naya nahi purani dhoti ka tukda hai
Aur is tukde mein lipta pyara sa mukhda hai
Badi bedardi se dafnaaya gaya mitti mein isse
Paanv pet se lage hain , sir chaati mein sikuda hai
Mitti tak geeli hai dekh mitti ki halat
Khak tak puri na mayssar hui kabr ko iski
Aur upper se rakh diye fir pathar tamam
Taki jaan na paayen kabr hai kiski
Pyaar – pyaari si hatheli, makhmali –makhmali naakhun
Kacche gulab se honth aur nibori – si nigaahen
Gulabi jism , pari se paanv dil fareb muskaan
Jisko dekhkar khud – b –khud ooth jaayen baahen
Ek pari ne kahin shakl ek baccee ki lekar
Kiski ke sune chaman mein khilna chaha tha
Oosne socha chalo jee lun insaan ki tarah
Maan ki chaati se chipakkar palna chaha tha
Oose maalun na tha ki pahli kilkaari hi ooski
Cheekh banker rah jaayegi gale ke bheetar
Nigaahen dekh bhi na paayengi duniya nazar pahli
Aur duniya hi simat jaayegi nazar ke bheeta
Qatl kar denge maan – baap is khatir kyonki
Ooski aawaz se aai hai shahnaai ki sada
Oonki ummiden thi doliyan oothane ki kahi
Na ki dahliz se ho oonke koi ladki vida
Jhooti shaan ki khatir, purani rasmon ke karan
Nanhi – nanhi betiyon ki kaat dete hain botiyan
Taki sir na jhuke kahin gair paanv ke aage
Beti deti nahi moksh , vansh aur rotiyaan
Aur badi kamtar si baat ye jo maan apna
Lahu pilati hai subah – shaam mahino tak
Jiski dhadkan ke sang dhadakti hai ek dhadkan
Jiski saanso se leti koi saans mahino tak
Jab wahi ahsaas ek shakl bacchi ki lekar
Kokh se aata hai to maayen kyon aansu bahati hain
Kyon nigahen fer leti pathar dil banker
Jab daaiyan in maasumon ka gala dabati hain
Kyon raton ki syahi aur din ke oojale mein
Log roshni ko andhere kamron mein bujha dete hain
Daba kar narm gala, hisse kar maasum badan
Ghar ki chaukhat par ek diya jala dete hain
Yaad rakho ! ki aasmaan ki bisaat hai jab tak
Jab talak paanv zameen pe hain aur jahan tak
Jahan par dharti khatm, aasmaan wahin khatm