Teesra Geet

Jivan bita chalte - chalte
Thak gaya Deep jalte - jalte
Uravashi  pritima to mili nahi
Sanson ka mela ujad gaya.

Prtyek nagar har dwar -dwar
Thak gai vani priya ko pukar
Liye ek milan ki abhilasha
Ban gaya timar nayan- shingar .
Manzil ki aur chalte- chalte
Lut gaya karavan bhadte- bhadte
Sahil ki jhalak to mili nahi
Pavon ka khela bigad gaya .

Hriday mein sanjo kuch swapan madhur
Kuch aur hi jivan dekha tha
Har rah suman path thi meri
Har pal khushiyo ki rekha tha .
Har sapana tuta palate- palate
Aur suraj nikala dhalte- dhalte
Aankhon se nindiya hati nahi
Aur sapana rupahala ujad gaya ..

Kuch aansu mein kuch pida mein
Bas astitav reh gaya mera
Kuch aehan se , kuch krindan se
Bas apantav reh gaya mera
Yado ke jod shilate- shilate
Tut gaya pushp khilate- khilate
Palako ki dehari abhi khuli nahi
Ashkon ka raila umad gaya ..