Teesri Nazam

 

Yaad aata hai akasar tera
Pyar se labarej sina makhamali daman
Jis par sir rakhkar kai dapha maine
Tutati umid ko phir se jindagi di hai.

Mere balo se khelati anguliya teri
Pyar se mathe pe rakha chehara tera
Haule haule se dhadakati teri dhadakan
Adhakhuli aankho se jhankata kal ka sawera
Jab- jab mujhko gujari bate yad aati hain to
Ek kasak si kahi dil mein ubhar ke aati hai
Ak shola - sha shulagata hain badan mein kahi
Ak chingari kahi jehan mein utar - si jati hai.

Kai dapha yad aati hai mujhe teri jhuthi bate
Tere pyare se khawab , apne sunahale sapne
Tere masoom sawalat shirniyo mein nahaye hue
Aur ranginiyo mein lipate tasaburat apne.
Tere honth kuch band, kuch khule se hue
Vo teri masoom hansi , vo banavati gussa
Jara si bat mein takarar - mohabbat ka andaz
Aur yakayak kabhi umadata behisab pyar
Jab kabhi bhi dil mein uphan leta hai
To ek tish -si dil mein utarati jati hai.

Teri banho ke ghere mere kamar ki janib
Tera chupake se meri peeth par kaskar chumban
Tere hatho ki mere hatho mein majbut pakad
Aur teri sanso ka meri sanso se milan
Jab bhi ehshas mein utarkar mushkurata hai
Ek halki - si lakir hothon par khinch jati hai.