Pehli Kavita

 

Mahaz  alfaz  se  khilvad   nahi  hai  kavita
Koi pesha  , koi  vyavsaye  nahi  hai  kavita 

Kavita   shauk   se  bhi  likhne  ka kam  nahi
Itni   sasti    bhi  nahi  , itni  bedam  nahi
Kavita   insan  ke  hridaye   ka  uchvaas  hai
Maan    k  bhini  umang , manviye  ehsaas  hai

Kabhi  kavita   kisi vishaye  ki  mohtaz nahi
Nayan  neer  hai kavita , koi  raag - saaz nahi
Kabhi  kavita  kisi  alhard   yauvan   ka  naz  hai
To   kabhi   duhkh  se   bhari  hridaye  ki   aavaz  hai
Kbhei   dhadkan   to kabhi  laahoo   ki  rvani  hai
Kabhi  roti  to kabhi  bhukh  ki  kahani  hai

muflis   jism  ka  ugadha hua   badan  hai   kabh
Bekafan   lash  par  chadta  hua   kafan hai kabhi
Bebas  insan  ka   bheega   hua   nayan   hai  kabhi
sardilee  raat  me  thithurta  hua    taan  hai  kabhi
Kavita   behti   hui  ankhon  me   chipaka   peep  hai 
Kavita  kahi   dur  nahi , insan  ke  sameep  hai 

Mahaz alphaz se khilvard  nahee  hai  kavita 
Koi  pesha , koi   vyavsaye   nahi hai   kavita