Doosra Geet

Nayan  me rakh  chavi   tumhari
Archana   ki   nishi - din  maine
Kintu  yeh  aabhas  n     tha  ,
Jeevan  isse   hi   jalega
Geet   main  tumko   basaya
Chhand  me  tumko  pukara 
Har shvas  me  , rakt  bindu  main
Roop  dekha  tha   tumhara 
Rag - rag  me anubhooti  ki
Maine   tumhare  hi  astitva  ki
Aur kan-kan   par Hridaye  ke
Chitr   tumhara   hi  utara.

Maan   kar  sarvasv  tumko  
Vandana    kI   nishi -din  maine
Kintu  yeh   malum  n  tha 
Sarvasv  hi  sarvasv   harega 
Sanidhy   me    aakar  tumhare
Sameep    svayam  ko   pa   tumhare
Lagata  tha  aksar   hiye  ko
Jaise sahara mil  gya hai 
Adhron  par  vistreen  muskan
Naino  mein  madhuryata   aviram
Dekhkar  lagata  tha   mujhko
Jaise kinara  mil  gaya  hai
Par ab adhar  sunsan  hain
Aur  swas  tak  anjan  hai
Sudh  mujhe  jag  ki bhala  kya
Ab  astitva  mera  shmshan  hai .

Jan  kar  nij  svaroop   jiski
Vedna   sahii  hans - hans   maine
Mujhko  yeh  andaz  n   tha
Ek   divs   wo   hi  chhlega .